Poligraf.AL Mē shumē se lajm
Related Articles
Marrëveshja e nënshkruar mes Postës së Kosovës dhe Policisë së Kosovës iu mundëson qytetarëve që dënimet në trafik tash e tutje të kenë mundësi t’i paguajnë, çdo ditë në javë, 24 orë në ditë.
Marrëveshja e nënshkruar nga kryeshefi ekzekutiv i Postës, Shefqet Avdija dhe drejtori i përgjithshëm i Policisë, Rashit Qalaj, iu mundëson qytetarëve që pagesat për gjoba t’i shlyejnë edhe me kartela bankare përmes POS-it me të cilin do të pajisen veturat policore.
Përndryshe, të gjitha dënimet për kundërvajtje në trafik mund të kryhen në çdo Zyrë Postare, kudo në Kosovë. Dënimi shlyhet menjëherë nga Sistemi i Policisë.
Kryeshefi Shefqet Avdija ka deklaruar se zgjerimi i bashkëpunimit me Policinë është pjesë e objektivave të Postës së Kosovës që shërbimet t’i ofrojë sa më afër qytetarit dhe ato të jenë sa më kualitative.
