Poligraf.AL Mē shumē se lajm
Related Articles
Qeveria e Kosovës ka vendosur që qytetarët të cilët nuk i respektojnë masat për parandalimin e shpërndarjes së pandemisë të gjobitën.
Siç është bërë e ditur personat fizikë do të gjobiten deri në 500 euro, kurse personat juridikë deri në 1000 euro, përfshirë edhe shqiptimin e urdhëresave dhe masave mbrojtëse për kryesin e kundërvajtjes.
Në tiketën që posedon Koha thuhet se kryesi i kundërvajtjes i cili e paguan gjobën në të holla brenda 15 ditëve, paguan vetëm 50 për qind të shumës së paraparë për atë kundërvajtje.
Ndërkaq palët e pakënaqura ndaj vendimit të shkallës së parë, kanë të drejtë kundërshtimi në Komisionin për Vendosje në afatin prej 8 ditësh.
“Kundërshtimi i parashtrohet Komisionit përmes inspektorit sanitar i cili e ka shqiptuar gjobën, për Komisionin për Vendosje të Inspektoratit Sanitar të Kosovës në Prishtinë”, thuhet në tiketën e cila nga sonte do t’iu shqiptohet qytetarëve që nuk respektojnë masat.
Kjo është tiketa për gjoba e cila do të fillojë nga sonte, ku një kopje do t’i jepet palës e cila gjobitet.
Gjithashtu Inspektorati Sanitar dhe ato komunale sonte do të zhvillojnë një aksion për të parë nëse po zbatohen masat anti-COVID të vendosura nga qeveria e Kosovës.
Ekipet e Inspekcioneve do të vendosen në pesë komuna:
Në Prishtinë (pesë grupe), Ferizaj ( tre grupe), Mitrovicë( dy grupe), Prizren (katër grupe), Gjilan ( tre grupe).
Aksioni do të filloj nga ora 21:00.
