Poligraf.AL Mē shumē se lajm
Related Articles
Dy persona në raste të ndara, në pikat kufitare Vërmicë dhe Qafë Morinë janë arrestuar pasi kanë tentuar t’u japin ryshfet zyrtarëve policorë.
Policia ka njoftuar se në Vërmicë një shtetas i Malit të Zi është shoqëruar në stacionin policor pasi që i njëjti, në hyrje me automjet-kamion gjatë kontrollimit të dokumenteve, zyrtarëve policorë u ka ofruar ryshfet. Në konsultim me prokurorin, i dyshuari pas intervistimit është liruar në procedurë të rregullt, ndërsa kartëmonedha, dokumenti i udhëtimit dhe libreza e kamionit i janë konfiskuar për veprime të mëtutjeshme.
Edhe në Qafë Morinë është shoqëruar në stacionin policor një shtetas i Shqipërisë pasi që i njëjti, në hyrje me veturë gjatë kontrollimit të dokumenteve, për shkak të mosplotësimit të kushteve për kalim kufiri, zyrtarëve policorë u ka ofruar ryshfet. Në konsultim me prokurorin, i dyshuari pas intervistimit është liruar në procedurë të rregullt, ndërsa kartëmonedha vetura, dhe libreza e veturës i janë konfiskuar për veprime të mëtutjeshme.
