Jetlir Zyberaj, këshilltari i ministrit në largim të Punëve të Jashtme, Behgjet Pacolli, ka publikuar disa dokumente për të cilat thotë se janë dëshmi për krime gjatë luftës në Kosovë ndaj Ljubisha Dikoviqit, ish-komandant në kohën e Jugosllavisë.
Përmes një postimi në llogarinë e tij në Facebook, Zyberaj ka shkruar se Dikoviqi ka dhënë urdhër për vrasjen e shqiptarëve, fëmijëve me ç’rast sipas Zyberajt ai kishte marrë pjesë edhe vetë në vrasje të tilla.
“Ljubisha Dikoviq personalisht ka mbikëqyrur situatën në zonën nën kontrollin e tij dhe personalisht ka dhënë urdhra se si ushtria duhet të manovrojë. Ai personalisht ka dhënë urdhra për vrasjet e shqiptarëve të pafajshëm, përfshirë fëmijë, dhe personalisht ka marrë pjesë kur ndodhnin vrasje të tilla”, ka shkruar Zyberaj.
Zyberaj ka shkruar bdërkaq: “Ky është një nga dokumentet e shumta që tregojnë përfshirjen e Dikoviqit në vrasje masive. Prokurorët e Kosovës kanë dosjet për të paditur urgjentisht Dikoviqin”.
Poligraf.AL Mē shumē se lajm
